茶餐廳價錢嘅優質西餐
位於九龍灣企業廣場
相信喺附近返工嘅朋友仔都可能會知道呢間餐廳
門面好有文青氣息感覺🌿
卡其色🟤為主嘅格調令人好放鬆
睇落有啲似Cafe
但係我今次就過嚟試吓晚餐🍽
手撕蟹肉牛油果🥑他他
果然名不虛傳，真係招牌菜
成個擺盤都好吸引好靚🥰
特別係牛油果嘅部份特登挑出中間嘅部份
手撕蟹肉🦀一啖食落口真係好滿足
唔使好似平時食蟹咁要左拆右拆
窩夫🧇係最令我有驚喜
完全係高質牛角包🥐嘅質感
加上🍯蜜糖嘅點綴
入口鬆化而且唔會好漲胃
我食完真係想再order多一件
原條鰻魚漢堡🍔
漢堡包食得多啦
日式鰻魚漢堡真係第一次試
鰻魚仲要長過手板
性價比真係好高
最重要係一啖咬落去仲有滑蛋🥚嘅香味
同埋濃郁嘅芝士🧀味
但係完全冇阻擋鰻魚嘅味道
法式燉煮🐑羊膝
出乎意料之外
羊膝竟然冇乜羊騷味
肉質比較鮮嫩
容易入口👅
但係略嫌意粉比較乾身
焦糖布甸咖啡☕️
咖啡味香濃
而且cream☁️上面仲有幾粒咖啡豆點綴
加入少少焦糖緩和口味
對於飲唔到齋咖啡嘅朋友來講係一個好選擇👍🏻
抹茶鮮奶🍵
杯面嘅拉花令人有好窩心嘅感覺
飲落口奶味同抹茶味都平衡
而且係冬天都比較暖位
推薦女仔👩🏻都可以點呢款飲
Coti the Bistro (九龍灣)
📍九龍灣常悅道9號企業廣場1期1樓4號舖
Search